«Тамыз конференциясының секциялық жұмысы».

Бүгін Көкшетау қаласында тамыз кеңесінің секциялық жұмысы өткізілді. Көкшетау қаласындағы «Техникалық мектеп-лицей» КММ-де арнайы мектеп-интернаттар, психологиялық-педагогикалық түзету кабинеттері, психологиялық-медициналық-педагогикалық консультациялар басшыларының секция отырысы өтті.Секция жұмысына Ақмола облысының білім басқармасының өкілдері, облыстық әдістемелік орталықтың әдіскерлері, облыстың арнайы білім беру ұйымдарының басшылары қатысты.Аталған секцияның модераторы – Көкшетау қаласындағы №19 жалпы білім беретін мектептің инклюзивті білім беруді дамыту жөніндегі облыстық ресурстық орталығының үйлестірушісі, мұғалім-дефектолог, арнайы (дефектологиялық) білім беру магистрі Жанғали Ілияс Әбілқазыұлы.Бүгінгі отырыстың тақырыбы – «Тең мүмкіндіктерден жоғары білім беру нәтижелеріне дейін: арнайы білім беруді дамытудың заманауи тәсілдері».Секцияға қатысушылармен «Кәсіби ресурс» тақырыбында тренинг өткізілді. Арнайы және инклюзивті білім беруді ұйымдастыру мәселелері бойынша жаңадан қабылданған нормативтік-құқықтық актілермен және өзекті әдістемелік ұсынымдармен секция қатысушыларын Ақмола облысында инклюзивті білім беруді дамыту жөніндегі үйлестіру кеңесінің төрағасы, Қазақстан Республикасының білім беру саласының құрметті қызметкері, саясаттану ғылымдарының кандидаты Ибраев Марат Умербаевич таныстырды.Одан әрі жұмыс фокус-топтарда жалғасты. Фокус-топтар келесі бағыттар бойынша жұмыс жүргізді: «Мүмкіндігі шектеулі балалардың дағдыларының қалыптасу критерийлері», «Балалар мен отбасыларға ерте қолдау көрсету: қажеттіліктерді анықтаудан тиімді көмекке дейін».Секция жұмысының бұл бөлігі фокус-топтардың жұмыс нәтижелерін таныстырумен қорытындыланды.Сонымен қатар «Жетістік технологиясы» тақырыбында проактивті интенсив қызықты өтті. Оның барысында түзете-оқыту процесін ұйымдастыру, диагностикалау және кеңес беру бойынша өзекті мәселелер қарастырылды. Сондай-ақ қатысушылар заманауи технологияларды қолдану бойынша өз тәжірибелерімен және жұмыс нәтижелерімен бөлісті.Тамыз айындағы облыстық кеңестің секциялық жұмысына Атбасар қаласындағы №8 психологиялық-педагогикалық түзету кабинетінің басшысы С.Г. Наймушина және мұғалім-дефектолог Д.А. Искакова қатысты. Олар іс-шараның өте жоғары деңгейде ұйымдастырылғанын, мазмұнының қызықты әрі мазмұнды болғанын және кеңес барысында қарастырылған мәселелердің өзектілігін атап өтті.