БІЗ НӘТИЖЕДЕН ДЕ КӨПТІ КӨРЕМІЗ

Кейде сырт көзге нәтиже дегеніміз — сан, орындалған тапсырма, дұрыс айтылған дыбыс, оқылған сөз немесе өздігінен орындалған әрекет сияқты көрінуі мүмкін.Бірақ біз, психологиялық-педагогикалық түзету кабинетінің мамандары, білеміз: әрбір нәтиженің артында бұдан әлдеқайда үлкен еңбек жатыр.Бір ғана алғашқы сөздің артында қаншама сабақ, талпыныс, қайталау және кішкентай қадамдар болуы мүмкін.Өздігінен орындалған бір тапсырманың артында баланың талай рет: «Мен істей алмаймын…» деген сәттері, ал жанындағы ересектің: «Кәне, бірге жасап көрейік» деген қолдауы тұруы мүмкін.Ал бүгін баланың көмек сұрай алуының артында сенімге, қарым-қатынасқа және түсіністікке бастар ұзақ жол жатуы мүмкін.Тапсырманы орындағаннан кейінгі бір күлкінің өзінде — өзіне деген сенімсіздікті жеңген тағы бір кішкентай жеңіс бар.Біз кейде көзге көрінбей қалатын дүниелерді байқаймыз.Баланың алғаш рет өздігінен көзге қарағанын.Алғаш рет қолын созғанын.Ойыншықты өз бетімен таңдағанын.Өз кезегін күткенін.Қателескеннен кейін бас тартпағанын.Көз жасына ермей, өзіне не керегін түсіндіруге тырысқанын.Ал бір күні оның: «Мен өзім!» — дегенін.Біреуге бұл ұсақ-түйек болып көрінуі мүмкін.Кейде көптен күткен нәтиже күтпеген жерден келеді: ойын үстінде, қарапайым әңгіме кезінде немесе күнделікті тапсырманы орындау барысында.
Сол сәтте біз: «Бәрі де бекер болмаған екен», — деп түсінеміз.
Бұл кішкентай жеңістердің артында тек баланың талпынысы мен бір ғана маманның еңбегі тұрған жоқ.Әрбір жетістіктің артында №8 психологиялық-педагогикалық түзету кабинетінің педагогтер ұжымының күнделікті үлкен еңбегі бар. Әр маман өз білімін, тәжірибесін, шыдамдылығын және жүрек жылуын ортақ іске қосады.Ал ұжымның осындай бірлігі мен үйлесімді жұмысының артында команданы біріктіріп, қолдап, бағыт-бағдар беретін адам бар.Тәжірибелі әрі дана басшы — Наймушина С.Г.Оның кәсібилігі, көп жылғы тәжірибесі, даналығы және әр маманға деген ілтипатты қарым-қатынасы ұжымға ең басты нәрсені — әр баланың мүмкіндігіне деген сенімді сақтауға көмектеседі.Өйткені жақсы ұжым — бұл жай ғана қатар еңбек ететін мамандар емес.Бұл — бір бағытқа бірге қарап, бір-біріне қолдау көрсетіп, әр баланың жеңісіне бірге қуана білетін команда.Бәлкім, ең маңыздысы да осы шығар — баланың әрбір кішкентай жетістігінің артында педагогтің үлкен жүрегі тұрады.Мұнда әрдайым өзгелер байқай бермейтін нәрсені көре білетін адамдар еңбек етеді: алғашқы көзқарасты, алғашқы сөзді, алғашқы дербес қадамды, өз-өзін жеңген алғашқы жеңісті.Олардың сабыры, даналығы, мейірімі мен әр балаға деген сенімі — алға қарай қадам басуға көмектесетін сол баға жетпес тірек.Осындай педагогтер барда әр баланың жанында міндетті түрде:«Сенің қолыңнан келеді. Біз сенің жаныңдамыз. Біз саған сенеміз», — деп айтатын адам болады.