БІРГЕ ОҚИМЫЗ – ӘЛЕМДІ АШАМЫЗ

Республикалық «Оқитын ұлт» марафоны аясында КММ «Психологиялық-педагогикалық түзету кабинеті №8» педагогтері жалпы білім беретін мектептің кітапханасында тақырыптық сабақтар өткізді.

Кішкентай тәрбиеленушілеріміз үшін кітапханаға бару — кітаптар, суреттер, ертегілер мен таңғажайып оқиғалар әлеміне жасалған ерекше саяхат болды.

Біздің балаларымыз әлі кішкентай, олардың көпшілігі өздігінен оқи алмайды. Сондықтан мұндай кездесулердің басты мақсаты — бірден оқуға үйрету ғана емес, баланың кітапты жақсы көруіне, оған қызығушылық танытуына және кітаппен қарым-қатынастан қуаныш сезінуіне мүмкіндік беру.

Педагогтер балаларды кітаптармен өздеріне түсінікті әрі қолжетімді түрде таныстырды: түрлі-түсті суреттерді тамашалады, қысқа әңгімелер мен ертегілер тыңдады, кейіпкерлер туралы әңгімелесті, қарапайым сұрақтарға жауап берді, ойын тапсырларын орындады. Әр бала өз мүмкіндігі мен жеке ерекшеліктеріне сәйкес белсенділік таныта алды.

Мұндай сабақтардың маңызы зор. Олар баланың сөйлеуін, зейінін, есте сақтау қабілетін, қиялын дамытады, сөздік қорын молайтады, танымдық қызығушылығын қалыптастырады және эмоционалдық әлемін байытады. Сонымен қатар балаға кітапты ұқыпты ұстауды және кітаптың жай ғана суреттері бар беттер емес, қайта-қайта ашып, зерттеуге болатын тұтас бір әлем екенін біртіндеп түсінуге көмектеседі.

Мұндай кездесулердің мақсаты — мүмкіндігіне қарамастан әрбір бала үшін кітапты қолжетімді әрі қызықты ету.

Өйткені әр баланың оқуға деген өз жолы бар. Бір бала үшін бұл жол алғашқы оқылған жолдан басталса, екіншісі үшін — суретке қызығушылықпен қараудан, ертегі тыңдаудан, сүйікті кейіпкерін танудан немесе таныс кітапты қайта ашқысы келуден басталады.

Ал егер сабақтан кейін бала күлімдеп, кейіпкерді танып, тағы да оқып беруіңізді сұраса — бұл оның кітап оқуға деген үлкен сүйіспеншілігіне қарай жасаған кішкентай, бірақ маңызды қадамы.

Бірге оқимыз. Тыңдаймыз. Танимыз. Армандаймыз.
Кітаптың ғажайып әлемін бірге ашамыз!