Құжаттаманы бақылау — сапалы жұмыстың кепілі

«Ақмола облысы білім басқармасының Атбасар ауданы бойынша Атбасар қаласының № 8 психологиялық-педагогикалық түзету кабинеті» КММ-де меңгеруші Наймушина С.Г. төрағалығымен педагог қызметкерлердің ағымдағы құжаттамасын тексеруге арналған жұмыс кеңесі өтті.

Кеңес барысында құжаттаманы жүргізу, оны уақтылы толтыру және белгіленген талаптарға сәйкестігі мәселелері қарастырылды. Түзету-дамыту жұмыстарының жоспарларын рәсімдеуге, жеке дамыту бағдарламаларын құрастыруға, сабақтарды есепке алу журналдарын толтыруға және мамандардың есептік материалдарын дайындауға ерекше назар аударылды.

Мекеме басшысы Наймушина С.Г. анықталған кемшіліктерді жою бойынша қажетті түсіндірмелер мен ұсынымдар беріп, құжаттаманы жүргізуде жүйелі тәсілдің маңыздылығын атап өтті.

Мұндай жұмыс кездесулері педагогтердің кәсіби жауапкершілігін арттыруға, әдістемелік жұмысты жетілдіруге және ерекше білім беру қажеттіліктері бар балаларға көрсетілетін психологиялық-педагогикалық көмектің сапасын қамтамасыз етуге ықпал етеді.